Kóríander-dressing sem kemur úr smiðju mæðgnanna Hildar Ársælsdóttur og Sollu Eiríks.
Samsett mynd
Mæðgurnar Hildur Ársælsdóttir og Sólveig Eiríksdóttir, alla jafna kölluð Solla Eiríks, eru snillingar í því að búa til hollar og ljúffengar dressingar og sósur sem má nota með alls konar réttum og salötum. Þegar ég fór á námskeið hjá þeim í vetur fékk ég smakk af nokkrum þeirra og meðal annars þessari guðdómlega góðu kóríander-dressingu. Hún er svo góð og ef þú elskar kóríander þá er lag að búa þessa til að njóta með því sem hugurinn girnist.
Kóríander-dressing
- 100 g kasjúhnetur, lagðar í bleyti í 2 klukkustundir í 60 ml vatn
- 25 ml ólífuolía
- 15 ml eplaedik
- Safi og hýði af 1 límónu
- 15 g ferskur kóríander
- 10 g hlynsíróp eða önnur sæta 1⁄2 -1 tsk. sjávarsalt
- Smá chili ef vill
Aðferð:
- Setjið allt hráefnið í blandara og blandið vel saman.
- Bætið smá vatni út í ef sósan er of þykk, en smá olíu ef of þunn.
- Berið fram með því sem hugurinn girnist, t.d. góðu salati, grænmetisbuffi eða fiskrétti.