Heitasta salatið á miðlunum í dag
Þetta er það heitasta í dag fyrir þá sem elska að fá sér gott salat. Hér eru það bökuðu kartöflurnar sem njóta sín með granatelpafræjum og geggjaðri salatdressingu.
Samsett mynd
Setja bókamerki
Hér er á ferðinni ljúffengt salat með bökuðum kartöflum sem kemur í smiðju samfélagsmiðlastjörnunnar Ninu Gross. Það er ótrúlega einfalt að laga svona gott salat og granteplafræin setja punktinn yfir i-ið. Þetta verður þú að prófa. Sjáðu á Instagram-síðunni hér. Þú aðlagar magnið að þínum smekk og eftir hversu margir eru í mat.
Sumarsalat með bökuðum kartöflum
- Salat að eigin vali
- Kokteiltómatar skornir í báta
- Laukur, sneiddur í sneiðar
- Agúrka, skorin í sneiðar
- Paprika, skorin niður
- Granateplafræ
- Steinselja, smátt söxuð
- Steiktar hnetur, valhnetur og jarðhnetur
- 1-2 bakaðar kartöflu, skornar í báta
- Salatdressing eftir smekk (sjá uppskrift fyrir neðan)
Aðferð:
- Byrjið á því að setja salat í skál.
- Því næst kokteiltómatana og laukinn.
- Síðan agúrku og papriku.
- Dreifið granteplafræjum yfir salatið ásamt saxaðri steinselju.
- Loks eru hneturnar steiktar og þeim stráð yfir salatið.
- Síðan eru bökuðu kartöflurnar skornar í bátar og bátunum raða fallega ofan á salatið.
- Toppið síðan salatið með salatdressingunni og berið fram.
Salatdressing
- 1 tsk. salt
- ½ tsk. svartur pipar
- ½ tsk. sæt paprika
- ½ tsk. chiliduft
- 1 tsk. óreganó
- Ferskur sítrónusafi
- 5 msk. granateplasíróp
- 2 msk. ólífuolía
Aðferð:
- Blandið öllu hráefninu saman í skál og hrærið vel saman.
- Hellið yfir salatið þegar það er borið fram.
Lát hjóna í Neskaupstað: Ákæra gefin út
Skattamál verði líklega „þeirra mesta klemma“
„Þetta er ríkisstjórn almannahagsmuna“
Víkingar komnir yfir 800 milljónir í greiðslur
Alvarleg netárás á Wise
Var engin kristnitaka árið 1000?
