BBQ Taquitos með ranch sósu og ferskum maís

Kjúklingurinn í BBQ Taquitos

• ½ stk. kjúklingur rifinn (upplagt kaupa tilbúinn heilan grillaðan kjúkling)
•  2 dl Hunt´s BBQ Honey Mustard sósa
• Salt og pipar eftir smekk
•  Litlar tortillur
•  Philadelphia rjómaostur
•  Rifinn cheddar ostur

Meðlæti

• Ranch sósa, sjá uppskrift fyrir neðan
• Maísblanda, sjá uppskrift fyrir neðan

Aðferð:

1. Rífið kjúklinginn smátt, setjið í skál og blandið BBQ sósu, salti og pipar saman við.
2. Smyrjið tortillurnar með rjómaosti.
3. Dreifið cheddar ostinum yfir, setjið 2-3 msk. af kjúklingnum á tortillurnar og rúllið þeim upp.
4. Blandið saman í sósuna.
5. Steikið tortillurnar upp úr ólífuolíu þar til þær verða stökkar og gylltar. Það er einnig mjög gott að dreifa þeim á bökunarplötu klæddri bökunarpappír, pensla þær með ólífuolíu og baka í ofni við 190°C í 6-8 mínútur eða þar til þær eru orðnar stökkar.
6. Berið fram með ranch sósu og ferskum maís og njótið.

Ranch sósa

•  1 dl Heinz majónes
•  1 dl sýrður rjómi
•  1 msk. límónusafi
•  1 msk. smátt skorin jalapeno úr krukku
•  1 msk. dill (ferskt eða þurrkað)
•  1 msk. steinselja (fersk eða þurrkuð)
•  1 msk. kóríander (ferskur eða þurrkaður)
•  1 tsk. salt
•  ¼ tsk. pipar
•  1 tsk. laukduft
•  ½ tsk. hvítlauksduft

Aðferð:

1. Byrjið á því að hræra saman majónes, sýrðan rjóma og límónusafa í skál.
2. Bætið síðan við restinni að hráefninu og blandið vel saman.
3. Geymið sósuna í kæli þar til hún er borin fram.

Maísbland

•  2 stk. ferskir maískólfar
•  1 dl stappaður fetaostur
•  2 msk. Heinz majónes
•  1 tsk. cayenne pipar
•  2 msk. ferskur kóríander, smátt skorinn

Aðferð:

1. Pakkið maískólfunum í álpappír og bakið í 30 mínútur við 190°C.
2. Skerið maískornin af og blandið saman við stappaðan fetaost, majónes, cayenne pipar og ferskan kóríander.