Matur | mbl | 17.7.2024 | 17:00

Hummus-pasta með súrkáli og ólífum úr smiðju Hildar

Hildur Ómarsdóttir býður hér upp á súrkálssalat vikunnar sem inniheldur líka pasta og hummus sem er hið fullkomna kombó að hennar mati. Samsett mynd

Miðvikudagar eru súrkálssalatdagar á Matarvefnum og nú er komið að næsta salati sem inniheldur súrkál. Hér erum við komin með matarmikið og bragðgott salat með hummus-pasta úr smiðju Hildar Ómarsdóttur matarbloggara með meiru sem er þekkt fyrir að gera litrík og góð salöt sem gleðja bæði augu og bragðlauka.

„Hummus pasta er einn af okkar „go to“ réttum þegar við viljum fljótlega, einfalda og bragðgóða máltíð. Þeir sem hafa fylgt mér lengi hafa eflaust séð hana oft og mörgum sinnum en við verðum ekki þreytt á henni. Það elska jú allir pasta og svo er alveg „brilliant“ að nota hummus sem sósu sem gerir réttinn saðsamari og próteinríkari á sama tíma. Til að fullkomna réttinn bætum við svo súru kontrasti með lífrænum grænum ólífum og súrkáli, fullkomið á móti hummusnum í miðausturlenskum anda, það er í raun þetta kombó sem gerir máltíðina. Svo bætir maður við því grænmeti sem maður á til að fá smá lit á diskinn. Við fáum aldrei nóg af þessu og börnin ekki heldur,“ segir Hildur með bros á vör.

Frétt af mbl.is

Klassískur og góður hummus kemur sér ávallt vel

Hummus-pasta með súrkáli og ólífum

500 g spelt pasta
2 box af keyptum hummus eða útbúið heimagerðan hummus
1 krukka grænar lífrænar ólífur frá Rapunzel
1 krukka Klassískt súrkál en Karríkálið frá Súrkál fyrir sælkera er líka gott með

Síðan grænmeti sem til er í ísskápnum að hverju sinni en Hildur notaði þetta

Kál
Gúrku
Papriku
Tómata
Það má bæta við ólífuolíu og kryddi eins og t.d. óreganó til að bragðbæta salatið

Aðferð:

Sjóðið pastað samkvæmt leiðbeiningum.
Skolið og skerið grænmetið.
Setjið í skál og bætið við pasta, súrkáli og ólífum og skreytið eins og ykkur langar til.
Berið fram réttinn fram með hummus að eigin vali.