„Maður er bara fullur tilhlökkunar. Spáin er geggjuð og maður fagnar því þegar það er svona milt og gott veður í spánni og meira að segja smá sól. Við þurfum ekki meira,“ segir Róbert Aron Magnússon skipuleggjandi götubitahátíðarinnar spurður að því hvernig helgin leggist í hann. Hátíðin sem er haldin í Hljómskálagarðinum hófst í gær og stendur fram á sunnudag. Þar er hægt að gæða sér á réttum frá um 30 matarvögnum en í tilkynningu frá hátíðinni segir að um sé að ræða stærsta matarviðburð á Íslandi.

Birgir Rúnar, einn þátttakenda, og matarvagninn Wingman. mbl.is/Arnþór Birkisson

Keppt er um besta götubita á Íslandi en sigurvegarinn keppir fyrir hönd Íslands í evrópsku götubitakeppninni í lok september. Sú keppni er haldin í Þýskalandi og etja þar kappi fulltrúar 19 þjóða alls.

Frétt af mbl.is

Vinnur Silli kokkur aftur fyrir besta götubitann?

Spurður hvað von sé á mörgum gestum á hátíðina segir Róbert: „Í fyrra sóttu hátíðina hátt í 50.000 mans og ég geri ráð fyrir að það verði tölvert meira í ár. Fjölbreytnin og úrvalið er alltaf að aukast þannig að þetta stækkar alltaf og stækkar.“

Hátíðin stendur frá klukkan 12-20 í dag og frá 12 til 18 á morgun. Leiktæki og hoppukastalar verða á svæðinu fyrir yngri kynslóðina. Þá verða líka bjórbíll og bubblubíll.

Tengdar fréttir

Götubitahátíðin

Ísland vann tvenn gullverðlaun og silfurverðlaun

• Tilnefndur sem besti viðburðarhaldarinn í Evrópu
• Atli Snær keppir á stærstu götubitakeppni í heimi
• Ástríðukokkar bjóða upp á smassborgara á Götubitahátíðinni
• Birgir með BBQ og Buffalo kjúklingavængi á Götubitahátíðinni

» Fleiri tengdar fréttir