Salat vikunnar: Perusalatið sem allir elska
Salat vikunnar er ekki af verri endanum!
Samsett mynd
Setja bókamerki
Þetta ljúffenga perusalat er sumarlegt en yljar manni samt sem áður í rigningunni. Perurnar eru nefnilega hitaðar upp á pönnu áður en þær eru settar út í salatið svo þær verða mjúkar, safaríkar og extra sætar.
Dekraðu við þig með þessu dásamlega salati hvenær sem er eða berðu það fram með aðalrétt að eigin vali, en salatið fer sérlega vel með önd eða öðru dökku kjöti. Þá má einnig leika sér með innihaldsefnin og leyfa hugmyndarfluginu að ráða för!
/frimg/1/49/24/1492446.jpg)
Perusalat sem allir elska að búa til
Hráefni:
- 3 perur
- Klípa af smjöri
- 3 msk. hrásykur
- 1 poki klettasalat eða spínat
- 1 rauðkál
- 1 castello ostur, geitaostur eða gráðostur
- 3 msk. balsamik edik
- Valhnetukjarnar eftir smekk
- Trönber eða granataepli eftir smekk
Aðferð:
- Perurnar eru skornar í sneiðar eða bita og steiktar upp úr smjöri á pönnu og látið malla í smá stund.
- Hrásykri er bætt út í og lækkað undir hellunni og leyft að karamellast um stund.
- Öðrum hráefnum er blandað saman í skál. Trönuberjum eða granataeplum og valhnetukjörnum er svo stráð yfir salatið og það borið fram.
Hefur tryggt sér stuðning nógu margra kjörmanna
„Ekkert samtal sem hefur átt sér stað“
„Þau eru ónæm fyrir alvarleika málsins“
Segir umræðuna storm í vatnsglasi
Engar reglur til að takast á við stöðuna
Biden dregur framboð sitt til baka
Einsdæmi að ekki séu samræmd próf