Öðruvísi eldhúslína Parisar Hilton

Hótelerfinginn Paris Hilton er orðin ráðsett tveggja barna móðir. Þess vegna var kominn tími fyrir hana til þess að búa til heimilislínu með pottum, pönnum, bökunarformum og ýmsu fleira sem allar mæður þekkja. 

„Þegar ég varð upptekin móðir byrjaði ég að hugsa um vörur á allt annan hátt en ég gerði áður. Ég nota miklu meira af eldhúsvörum núna þegar ég er með fjölskyldu sem þarf að fæða,“ sagði Hilton í viðtali við E! um nýjum heimilislínuna. 

Bleiki liturinn er áberandi í nýju línu Hilton. Hún segist hafa tekið eftir því að það hafi verið skortur á skemmtilegum eldhúsvörum sem væru líka flottar og nytsamlegar. 

Hilton er ekki að ljúga þegar hún segir vörurnar skemmtilegar. Steypujárnspotturinn í línunni er til dæmis ljósbleikur á litinn og eins og hjarta í laginu. Það má einnig finna hefðbundna potta og pönnur sem og tæki eins og vöfflujárn og djúpsteikingagræju fyrir franskar kartöflur. 

Hér fyrir neðan má sjá nokkrar vörur úr eldhúslínu Parisar Hilton.