Það getur stundum reynst snúið í amstri dagsins að finna millimál sem sefar sætuþörfinni og inniheldur nóg af próteini. Þjálfarinn Arnfríður Helgadóttir deildi á dögunum einfaldri uppskrift af skotheldum próteinstykkjum sem gott er að eiga í frystinum og grípa í sem millimál eða desert.
Heimagert próteinstykki
Próteinstykki
Hráefni:
- 1 bolli hafrar
- 1 msk. hnetusmjör
- 1 tsk. hunang
- 2 skeiðar prótein
- 1/4 bolli vatn
- Salt eftir smekk
- Súkkulaði (til að bræða yfir próteinstykkin)
- Kókos (til að toppa próteinstykkið með)
Karamellusósa
Hráefni:
- 10-15 döðlur
- Sletta af vanilludropum
- Sletta af haframjólk
- Salt eftir smekk
Aðferð:
- Setjið hafra, hnetusmjör, hunang, prótein og salt í stóra skál og blandið saman.
- Bætið vatni út í skálina og blandið öllu vel saman.
- Setjið bökunarpappír í eldfast mót eða á ofnplötu og fletjið deigið út.
- Til að útbúa karamellusósuna eru döðlur látnar liggja í heitu vatni í a.m.k. 10 mínútur.
- Setjið döðlur í blandara og bætið slettu af vanilludropum, haframjólk og salti út í og blandið saman þar til blandan hefur náð karamellulíkri áferð.
- Fletið karamellusósunni yfir próteinstykkið og setjið í fyrsti í a.m.k. 15 mínútur.
- Bræðið dökkt súkkulaði og hellið yfir próteinstykkið. Stráið kókos yfir súkkulaðið og setjið inn í fyrstu í a.m.k. klukkustund.
- Skerið í bita og njótið! Best er að geyma próteinstykkin svo í frysti.