Guðdómlegar fylltar smákökur Lindu Ben
Linda Ben útbjó smákökur með fylltu karamellusúkkulaði.
Samsett mynd
Setja bókamerki
Kökudrottningin Linda Ben veit hvað þarf til þess að fara með bragðlaukana í töfrandi ferðalag. Hér gefur hún uppskrift að smákökum sem eru með karamellusúkkulaði sem flestir borða nú bara beint úr umbúðunum. Súkkulaðið er gott eitt og sér en ennþá betra þegar það hittir kökudeig og fær að bakast í bakaraofni.
„Þessar pralín saltkararmellufylltu smákökur eru svo guðdómlega góðar. Saltkaramellan lekur út í deigið og gerir það klístrað og algjörlega ómótstæðilegt,“ segir Linda Ben á vef sínum lindaben.is.
Smákökurnar eru ekki bara fallegar á mynd. Þær eru líka ljúffengar.
Ljósmynd/Linda Ben
Karamellu pralín fylltar smákökur
- 200 g smjör
- 100 sykur
- 150 g púðursykur
- 1 egg
- 1 eggjarauða
- 1 msk vanilludropar
- 1 tsk matarsódi
- 250 g hveiti
- 150 g Síríus pralín með saltkaramellufyllingu
- 150 g Síríus lakkrískurl
Aðferð:
- Setjið smjörið í skál ásamt sýkri og púðursykri í skál og þeytið þar til létt og ljóst.
- Bætið saman við egginu og eggjarauðunni og þeytið.
- Bætið saman við vanilludropunum.
- Blandið saman matarsóda of hveiti og bætið út í, hrærið aðeins þar til blandað.
- Skerið Síríus pralín súkkulaðið niður og bætið út í deigið ásamt lakkrískurli
- Setjið deigið loftþétt ílát og kælið í 1 klst eða yfir nótt inn í ísskáp.
- Kveikið á ofninum og stillið á 175°, undir og yfir hita.
- Búið til 30 g kúlur úr deiginu og raðið þeim á smjörpappírsklædda ofnskúffu með góðu millibili og bakið í 11 mín. Eftir 11 mín eiga endarnir að vera byrjaðir að brúnast en miðjan er ennþá vel mjúk. Takið þá út úr ofninum og k ælið kökurnar áður en þær eru borðaðar.
Erlendir miðlar greina frá tíunda gosinu
Sparnaður heimila vex meira en áður var talið
Borgin verður af milljörðum eftir dóm Hæstaréttar
Gosið gæti varað lengur: Meiri fyrirstaða í gosrásinni
Úlfar: Heppileg tímasetning á gosinu
Sáu eldgosið brjótast út frá Snæfellsnesi