Hin eina sanna sjónvarpskaka eins og hún gerist best
Þessi stendur ávallt fyrir sínu, hin eina sanna klassíska sjónvarpskaka.
Ljósmynd/Albert Eiríks
Setja bókamerki
Tengdar fréttir
Uppskriftir
Hér er á ferðinni uppskrift að hinni einu sönnu sjónvarpsköku eins og hún gerist best. Uppskriftin kemur úr smiðju ástríðubakarans Alberts Eiríkssonar og uppskriftina fékk hann hjá systur sinni Halldóru. Albert heldur úti uppskriftavefnum Albert eldar sem hægt er að finna margar góðar uppskriftir sem gleðja bragðlaukana. Sjónvarpskakan hefur notið mikilla vinsælda á mörgum heimilum og nú þegar haustar er spurning hvort það sé ekki lag að skella í eina sjónvarpsköku og horfa á skemmtilegt sjónvarpsefni með sínum allra bestu og njóta hennar.
Sjónvarpskaka – þessi eina sanna og alltaf jafn klassísk
Botn
- 4 egg
- 300 g sykur (um 1 1/2 b)
- 2 tsk. vanillusykur
- 250 g hveiti (um 1 1/2 b)
- 2 tsk. lyftiduft
- 2 dl mjólk
- 50 g smjör, brætt
Aðferð:
- Þeytið saman egg og sykur, bætið við vanillusykri, hveiti lyftidufti, mjólk og smjöri. Smyrjið form og hellið deiginu í.
- Bakið við 175°C í um 30 mínútur.
- Útbúið kókoskaramelluna á meðan kakan bakast.
Kókoskaramella
- 125 g smjör
- 100 g kókosmjöl (1b)
- 125 g púðursykur (1b)
- 4 msk. mjólk
- ½ tsk. salt
Aðferð:
- Bræðið saman í potti smjör, kókosmjöl, púðursykur, mjólk og salt.
- Hellið yfir kökuna og bakið áfram í um 10 mínútur.
- Takið svo út og látið kólna.
- Berið fram við gott tækifæri með ykkar bestu og njótið.
Tengdar fréttir
Uppskriftir
Heitavatnsleysið: Þetta þarf að passa
Tveir nýir sjóðir fyrir listamenn
Áhugamaður um stríðsminjar afhjúpar söguna
„Hún getur ekki svipt mig starfinu“
Áforma að hefja á ný eldi í Laxalóni
Rafskútur til kasta nefndar
Segir alið á tortryggni í garð lögreglunnar