Pítsasnúðar með ítölskum smurosti og mexíkóosti

• 900 g hveiti
• 60 g sykur
• ½ tsk. salt
• 100 g smjör, brætt
• ½ l mjólk
• 1 pk. þurrger

Aðferð:

1. Hitið mjólkina í potti á vægum hita.
2. Bætið smjörinu út í og látið það bráðna saman við mjólkina.
3. Bætið þurrgerinu og sykri í pottinn, takið hann af hitanum og látið standa í nokkrar mínútur.
4. Blandið hveiti og salti saman í skál og bætið mjólkurblöndunni saman við.
5. Hnoðið í deig og látið hefast undir viskastykki í 50 mínútur.
6. Þá er deigið hnoðað aftur og látið standa í 30 mínútur til viðbótar.

Fylling

• 1 box ítalskur smurostur
• 1 mexíkóostur, rifinn
• 1 bréf pepperóní, hakkað
• 200 g rifinn ostur
• 1 msk. heitt pítsakrydd
• ½ msk. pítsakrydd frá Prima
• 4 msk. pítsasósa að eigin vali

Aðferð:

1. Blandið öllu vel saman, helst í hrærivél.
2. Þegar deigið er tilbúið er því skipt í tvennt og hvor hluti flattur út í ferning.
3. Helmingur fyllingarinnar er settur á hvorn deigferning fyrir sig og smurt jafnt yfir. Deiginu er rúllað upp og skorið í sneiðar.
4. Raðið sneiðunum á bökunarplötur sem klæddar hafa verið með bökunarpappír. Stráið smá rifnum osti yfir sneiðarnar og kryddið jafnvel með smá pítsakryddi.
5. Bakið við 200° í 10-12 mínútur eða þar til osturinn er bráðnaður og snúðarnir komnir með fallegan lit.