Haustsalat að hætti Jönu

Hráefnið í salatið sem þarf að baka í ofni

• ½-1 íslenskur blómkálshaus, skorin i lítil blóm
• ½-1 sæt kartafla, skorin i litla bita
• 1 krukka soðnar kjúklingabaunir (vatninu hellt af og baunir skolaðar)
• Smá ólífuolía
• Salt og pipar eftir smekk
• 2-3 msk. grænmetiskryddblanda að eigin vali

Aðferð:

1. Byrjið á því að hita ofninn í 200°C.
2. Blandið öllu hráefninu saman í ofnskúffu, hellið ólífuolíu yfir og kryddið grænmetið eftir smekk og blandið vel saman.
3. Setjið ofnskúffuna inn í ofn og bakið í um það bil 25 mínútur eða þar til grænmetið er orðið vel gullið.
4. Setjið síðan það sem eftir er af hráefninu sem fer í salatið í skál á meðan blómkálið og sæta kartaflan bakast inni í ofni. Sjá hér fyrir neðan.

Haustsalat

• 1-2 handfylli af blönduðu salati að eigin vali
• 1 epli, skorið í litla bita
• 4 msk. pekanhnetur / eða aðrar hnetur sem þið elskið
• 4 msk. salatostur
• 2 msk. sólþurrkaðir tómatar, smátt saxaðir
• Handfylli af sprettum að eigin vali
• 15 g ferskt basil, saxað gróft
• 15 g fersk steinselja, söxuð gróft

Aðferð:

1. Öllu er blandað saman í skál, ásamt bakaða grænmetinu þegar það er tilbúið.

Dressing fyrir blómkáls- og sætkartöflusalat

• 1/3 bolli góð ólífuolía
• 1 límóna, safinn
• 1 msk. hlynsíróp eða hunang
• Salt og pipar eftir smekk
• 3 msk. hempfræ

Aðferð:

1. Hrærið öllu hráefninu vel saman og útbúið dressinguna.
2. Hellið síðan yfir salatið.
3. Blandið öllu vel saman.
4. Berið fram á fallegan hátt og njótið.