Þetta dýrðlega ólífubrauð er eitt besta ólífubrauð sem ég hef smakkað. Metsöluhöfundurinn og matgæðingurinn Jenny Colgan á heiðurinn af þessari uppskrift. Ég prófaði þessa uppskrift á dögunum og brauðið bráðnaði í munni. Uppskriftin er einföld og meðfærileg og hráefnalistinn er alls ekki langur. Síðan þeytti ég smjör til að smyrja brauðið með, þvílíkt lostæti.
Ólífubrauð
- 500 g hveiti, brauðhveiti
- 1 bréf þurrger
- 2 msk. hveiti
- 2 msk. salt
- 1 msk. ólífuolía
- 100 g ólífur, skornar niður og best að hafa þær steinlausar, svartar & grænar ef vill
Aðferð:
- Byrjið á því að hella gerinu út í volgt vatn og bíðið þar til það freyðir og gerið leysist upp.
- Hnoðið hveiti, sykri, salti, ólífuolíu og ólífum saman þar deigið verður mjúkt og klístrað.
- Breiðið yfir það klút eða viskustykki og látið standa í klukkutíma eða þar til það hefur stækkað um helming.
- Hnoðið aftur og látið bíða í um það bil þrjú korter eða þar til það hefur stækkað um helming aftur.
- Smyrjið vel valið brauðform og hitið ofninn í 220°C hita.
- Setjið inn í ofn og bakið í um það bil 30 mínútur eða þar til það er orðið fallega brúnt.
- Berið fram ylvolgt með þeyttu smjör ef vill.