Matur | mbl | 1.9.2024 | 6:30

Syndsamlega góð rifsberjabaka

Rifsberjabakan er fullkomin fyrir helgarbaksturinn enda er tími berjauppskerunnar þessa dagana. Ljósmynd/Árni Þorvarðarson

Þessa dagana er árstíð berjanna. Rifsber eru alltaf sígild á haustin og hvað er betra en að gera eitthvað nýtt og útbúa rifsberjaböku. Rifsberjabaka gleður bragðlaukana með sínum sætu og súru tónum og færir okkur í leiðinni aftur inn í sumarið, sama hvaða árstíð er. Þegar bakan er borin fram með volgum ís, þeyttum rjóma eða smá vanillusósu, verður það hinn fullkomni eftirréttur fyrir alla í fjölskyldunni. Árni Þorvarðarson bakari og fagstjóri við Hótel- og matvælaskólann í Kópavogi hefur mikið dálæti af bökum og þessa dagana leikur hann sér í eldhúsinu í bökubakstri. Hann býður því upp á þessa gleði fyrir helgarbaksturinn.

Árni Þorvarðarson bakari hefur mikið dálæti á bökum og haustin er hans tími fyrir bökubakstur. mbl.is/Kristinn Magnússon

„Rifsber eru meira en bara ber – þau eru leið til að kanna nýja og spennandi heima í eldamennsku. Með þessari uppskrift að rifsberjaböku færðu rétt sem er sannkallaður hátíðarklassíker, fullur af ljúffengum tónum og ríkri hefð sem rifsberin eru. Hver veit nema þetta verði fastur liður á borðstofuborðinu þínu,“ segir Árni og sviptir hér hulunni af uppskriftinni af sinni uppáhaldsrifsberjaböku.

Þessi baka er góð leið til að njóta þess besta sem rifsber hafa upp á að bjóða. Hér er á ferðinni leið til að ljúka góðum máltíðum með einhverju óvæntu sem mun án efa vekja hrifningu hjá matargestum.

Rifsberjabakan hans Árna tekur sig vel út í góða veðrinu. Ljósmynd/Árni Þorvarðarson

Rifsberjabaka

Botn

100 g smjör
100 g sykur
2 stk. egg
240 g hveiti

Aðferð:

Blandið saman smjöri, sykri og eggjum í hrærivél og vinnið rólega saman í um 3 mínútur.
Bætið hveitinu saman við og blandið rólega saman. Klárið síðan að hnoða deigið með höndunum á borðinu.
Setjið deigið í plastfilmu og kælið í um 30 mínútur.
Rúllið svo deigið út og leggið í um 22 cm bökuform.

Rifsberjafylling