French 75 heimsfrægur kraftmikill franskur kokteill
Setja bókamerki
Hér er á ferðinni heimsfrægur kokteill sem hittir ávallt í mark, en uppskriftina er að finna í bókinni Heimabarinn eftir barþjónana Andra Davíð Pétursson og Ivan Svan Corwasce. Í bókinni er að finna fjölmarga girnilega kokteila og drykki sem eiga sér sögu og þessi er einn þeirra.
Kokteillinn French 75 fékk heimsathygli árið 1930 þegar uppskrift að honum birtist í Savoy-kokteilabókinni. Nafnið French 75 kemur frá öflugri fallbyssu franska hersins sem notuð var í heimsstyrjöldinni og þykir vel við hæfi, þar sem drykkurinn er afar kraftmikill bæði í bragði og áfengismagni.
Fágaður, ferskur drykkur þar sem blandað er saman gini, sítrónu og kampavíni. Við mælum með kampavíni sem hefur þroskað ávaxtabragð og vott af hunangsbragði.
French 75
- 25 ml gin
- 15 ml sítrónusafi
- 15 ml sykursíróp
- toppað kampavín
- klaki eftir þörfum
Skraut:
- sítrónubörkur
Aðferð:
- Setjið öll hráefnin nema kampavínið og skrautið í hristarann.
- Fyllið hann alveg upp í topp með klaka og hristið hressilega í 10–15 sekúndur þar til hristarinn er orðinn vel kaldur.
- Síið þá drykkinn í gegnum sigti í freyðivínsglas, toppið upp með kampavíni, hrærið og skreytið með sítrónuberki.
Ástæða til að ætla að eldgosahrinu fari að ljúka
Spara stórfé með olíukaupum ytra
Maskína: Framsókn í fallbaráttu
Virknin dregist saman um 600 metra
Mæðgur dæmdar til að greiða 64 milljónir
„Erum í miðri hrinu“: Styttist í Eldvörp
Sáu eldgosið brjótast út frá Snæfellsnesi