Grillað cinnabonbrauð

• 592 g pítsahveiti            
• 7 g þurrger        
• 12 g salt                                
• 47 g olía                                
• 332 g vatn         

Aðferð:               

1. Vigtið allt hráefnið saman í hrærivélaskál.
2. Notið krók og hrærið í 4 mínútur á 30% hraða og 4 mínútur á 60% hraða.
3. Setjið olíu í form og skiptið deiginu í formin. Helst eru notuð álform sem hægt er að setja á grillið og hita upp.
4. Leyfið deiginu að standa við stofuhita í um það bil 60 mínútur vel húðað af olíu.
5. Þrýstið út með puttunum þar til deigið nær út í allt formið.
6. Stundum þarf að endurtaka hvíldartímann.
7. Setjið inn í kæli í 12 klukkustundir.
8. Stráið kanilsykri yfir brauðið fyrir bakstur.
9. Hitið ofninn í 210°C hita.
10. Leyfið deiginu að stækkað aðeins áður en það er bakað. Setjið inn í ofn á 210°C hita í um það bil 12 mínútur. Eða bakaði í pítsaaofni á kaldasta svæðinu í ofninum, gott er að setja álpappír yfir svo brauðið brenni ekki að ofan.
11. Þegar brauðið hefur kólnað er það skorið niður í flottar stærðir og ostakremi dreift yfir (sjá uppskrift fyrir neðan).
12. Gott er að hita aftur upp á grillinu með mat ef vill.

Ostakrem

• 62 g rjómaostur             
• 125 g smjör (brætt)    
• 1 tsk. vanilludropar       
• 312 g flórsykur                

Aðferð:

1. Vigtið allt hráefnið saman nema smjörið í hrærivélaskál og notið spaða.
2. Bræðið smjörið í potti.
3. Blandið svo saman við rjómaostinn og flórsykurinn.
4. Hrærið þar til kremið verður létt og ljóst.
5. Setjið síðan yfir cinnabonbrauðið eins og ykkur langar að hafa það.