Bakaðar paprikur með salsa og burrata osti

• 3 íslenskar rauðar paprikur
• smá ólífuolía
• 2 tsk. cummin duft eða cummin fræ (ekki kúmen)
• salt og pipar eftir smekk
• 1/2 búnt dill, saxað gróft
• 1/2 búnt steinselja, söxuð gróft
• 3 msk. sólþurrkaðir tómatar, saxaðir smátt
• 1/2 bolli valhnetur, saxaðar gróft 
• Börkur af 1 sítrónu

Aðferð:

1. Hitið ofninn í 200°C hita.
2. Kjarnhreinsið paprikurnar og skerið í grófa bita.
3. Setjið paprikubitana á ofnskúffu klædda bökunarpappír, skvettið smá ólífuolíu, salt, pipar og cummin yfir bitana.
4. Bakið í ofninum í um það bil 15-20 mínútur eða þar til paprikurnar eru farnar að grillast.
5. Hellið bökuðu paprikubitunum ásamt restinni í góða skál og hrærið vel saman. 

Fyrir lokasamsetningu:

• 1 stk. ricotta ostur, burrata ostur eða mozzarella ostur

Aðferð:

1. Setjið síðan ost að eigin vali inn í salatið í miðjuna þegar það er tilbúið og borið fram.
2. Hellið að lokum smá ólífuolíu yfir salati og kryddið til með salti og pipar.
3. Berið fram og njótið.