Matur | mbl | 26.9.2024 | 21:00

Mateyjarkokteill GOTT sló í gegn

Mateyjarkokteillinn á GOTT í ár var innblásinn úr íslenskri náttúru þar sem krækiberin eru í forgrunni. Samsett mynd

Það er að koma helgi og þá er að svipta hulunni af helgarkokteill Matarvefsins. Að þessu sinni er það þessi vínrauði krækiberjakokteill sem var í boðið á veitingastaðnum GOTT í Vestmannaeyjum í tilefni matarhátíðarinnar MATEY sem haldin var í byrjun september þar sem mikið var um dýrðir. Þessi kokteill sló í gegn hjá matargestum og mun á efa vera aftur í boði.

Klaudia barþjónn fór í berjatínslu á Eyjunni og nældi sér í krækiber. Ljósmynd/Berglind Sigmars

Heiðurinn af þessum kokteil á Klaudia barþjónn á GOTT og hún bjó til að mynda til heimagerðan krækiberjasafa til að setja út í kokteilinn ásamt sætu sírópi. Gaman að sjá þegar íslenska náttúran fær að njóta sín í kokteila- og matargerð en teymið á GOTT er iðið við að nýta það sem náttúran býður upp á.

Fallegur kokteill borinn fram í kampavínsglasi. Ljósmynd/Karl Petersson

Mateyjarkokteill GOTT – Krækiberjakokteill

Fyrir 1 - Kampavínsglas

60 ml heimagerður krækiberjasafi (sjá uppskrift fyrir neðan)
30 ml Ísafold gin
20 ml eggjahvíta
20 ml sætt síróp (sjá uppskrift fyrir neðan)
20 ml ferskur sítrónusafi
Klaki eftir þörfum
Til skrauts:
Sítrónu lavender eftir smekk

Aðferð:

Setjið krækiberjasafa, gin, eggjahvítu, sætt síróp, sítrónusafa í kokteilhristara og fyllið upp með klökum.
Hristið í um það bil 10 sekúndur.
Sigtið og hellið í hátt kampavínsglas.
Skreytið glasið með sítrónu lavender.
Berið fram og njótið.

Heimagerður krækiberjasafi