Haustgrautur Jönu sem minnir á kanilsnúða
Haustgrauturinn er fallegur í glasi.
Ljósmynd/Kristjana Steingrímsdóttir
Setja bókamerki
Tengdar fréttir
Uppskriftir
Hér er á ferðinni morgunverður úr smiðju Kristjönu Steingrímsdóttur heilsumarkþjálfa, sem er alla jafna kölluð Jana. Þetta er grautur sem gott er að gera kvöldið áður en þið ætlið að njóta hans. Þetta er ekta haustgrautur, hann er trefjaríkur, bragðgóður og minnir óneitanlega á kanilsnúða. Hægt er að fylgjast með Jönu á Instagramsíðunni hennar hér.
Pekanhnetur og döðlur passa vel ofan á þennan graut.
Ljósmynd/Kristjana Steingrímsdóttir
Haustgrautur með kanilsnúða keim
Fyrir 1
- ½ bolli grófir hafrar
- 1 bolli mjólk, jurta eða sú sem þú elskar
- 4-5 msk. grísk jógúrt
- 1 msk. chiafræ
- 1 msk. kollagenduft, ef vill
- 1 msk. próteindutft, ef vill
- 1 msk. akasíu hunang/ sæta að eigin vali
- 1 tsk. kanill
Ofan á:
- Grísk jógúrt eftir smekk
- pekanhnetur eftir smekk
- sæta eftir smekk
- kanill eftir smekk
Aðferð:
- Blandið höfrum, mjólk, jógúrt, chia fræjum, hlynsírópi, kollagendufti, próteindufti saman í skál eða krukku.
- Látið liggja yfir nótt í ísskápnum.
- Daginn eftir takið þið skálina eða krukkuna og toppið innihaldið með auka grískri jógúrt, pekanhnetum, möndluflögum, auka skvettu af sætu og kanill eftir smekk.
- Njótið vel.
Tengdar fréttir
Uppskriftir
Stór skjálfti hratt af stað öflugri hrinu
„Fólk ætti að komast í nýárssundið sitt“
Valkyrjur koma og fara
Harðákveðinn í að setjast ekki í helgan stein
„Verðum að grípa til ráðstafana sjálf“
Björgunarsveitir kallaðar út í nótt