Matur | mbl | 2.10.2024 | 6:30 | Uppfært 7:29

Sætur og súperhollur eftirréttur

Anna Eiríks mælir með þessum eftirrétti. Samsett mynd

Stundum langar mann í eitthvað sætt og gott en langar að hafa það í hollari kantinum. Þá er upplagt að skella í þennan próteinríka eftirrétt sem tekur enga stund að útbúa. Hann er bæði einfaldur og ótrúlega góður.

Heiðurinn að uppskriftinni á Anna Eiríksdóttir deildarstjóri hjá Hreyfingu en hún heldur einnig úti vefnum annaeiriks.is og Instagramsíðu þar sem hún býður upp á fjarþjálfun, hollustu uppskriftir og fleira áhugavert.

Hægt er að skoða Instagramsíðuna hennar hér.

Próteinríkur eftirréttur sem er bæði sætur og góður. Ljósmynd/Anna Eiríks

Próteinríkur eftirréttur - Sætur og góður

125 g grísk jógúrt (vanillu eða prófa sig áfram með bragðtegundir eftir smekk)
½ skammtur súkkulaðiprótein
smá skvetta agave síróp
30 g brætt súkkulaði á toppinn

Aðferð:

Hrærið vel saman gríska jógúrt, súkkulaðiprótein og agave síróp og setjið í skál.
Bræðið smá súkkulaði og hellið yfir.
Setjið í kæli í smá stund og berið svo fram með ferskum hindberjum og kakónibbum eða hverju sem ykkur þykir gott og eigið þá stundina.