Uppáhaldsberjaþeytingur Dómkirkjuprestsins
Berjaþeytingurinn er uppáhalds hjá Elínborgu Sturludóttur Dómkirkjupresti.
Samsett mynd
Setja bókamerki
Dómkirkjupresturinn Elínborg Sturludóttir á sinn uppáhaldsþeyting sem hún fær sér gjarnan á morgnana en það er heimalagaður berjaþeytingur. Eins og fram kom í viðtalið við hana í sunnudagsblaði Morgunblaðsins á dögunum fer hún á hverju hausti út í náttúruna að safna í kistuna fyrir veturinn, þar á meðal aðalbláberjum.
Hún frystir bláberin og notar út á hafragrautinn á morgnana og í þeytinginn ásamt fleira góðgæti. Í þeytingnum er líka banani og síðan bætir hún við annaðhvort jarðarberjum eða hindberjum.
Berjaþeytingur Dómkirkjuprestsins
Fyrir 1
- 1 þroskaður banani
- ½ bolli frosin íslensk bláber
- ½ bolli frosin hindber eða jarðarber
- ½ dl mjólk, ab-mjólk eða grísk jógúrt eftir því hvað er í ísskápnum
- 1 msk. möndlu-eða hnetusmjör
- granóla eftir smekk
Aðferð:
- Setjið allt hráefnið nema granóla í blandara og þeytið vel saman þangað til blandan er orðin silkimjúk.
- Hellið þeytingnum í hátt og glas og setjið síðan granóla yfir eftir smekk.
„Mér finnst gamla Samfylkingin komin aftur“
Var engin kristnitaka árið 1000?
Stormur á Þorláksmessu en víðast hvar stefnir í hvít jól
Bjarni: „Útilokað að þetta geti gengið upp“
Funda með þingflokkum
„Þetta er ríkisstjórn almannahagsmuna“
