Matur | mbl | 6.10.2024 | 6:30 | Uppfært 8:00

Frumlegir og ofurhollir eplakleinuhringir fyrir börnin að gera

Girnilegir eplakleinuhringir, litríkir og fallegir á disk. Samsett mynd/Björn Árnason

Hrefna Rósa Sætran matreiðslumeistari, veitingahúseigandi og stjörnukokkur með meiru gaf út matreiðslubók síðastliðinn vetur sem hugsuð er fyrir börn og ber heitið Í eldhúsinu með Hrefnu Sætran. Bókin hefur notið mikilla vinsælda og margar góðar uppskriftir er þar að finna sem gaman er fyrir fjölskyldur að spreyta sig saman að gera.

Fyrsta uppskriftin úr bókinni birtist síðustu helgi, uppskrift að súpernachos, sem er fullkomin fyrir fjölskyldur að gera saman. Nú er það uppskrift af eplakleinuhringjum, sem eru ákaflega frumlegir og líka ofurhollir.

Frétt af mbl.is

Súper nachos eins og Hrefna Sætran gerir

Þeir passa vel með brönsinum og skemmtilegt verkefni fyrir börnin að útbúa.

„Þessir er kannski ekki eins og kleinuhringirnir í bakaríinu en þeir eru rosalega góðir og hollir,“ segir Hrefna.

Eplakleinuhringir

Fyrir 2

2 epli
1 dós af þykkri jógúrt
Ávextir t.d. banani, bláber, hindber, brómber eða kíví eftir smekk
Granóla eða múslí eftir smekk

Aðferð:

Skerið eplin í frekar þykkar sneiðar.
Takið svo kjarnann úr eplinu eða stingið hann út.
Setjið jógúrt á eplasneiðarnar og setjið ávexti sem ykkur langar í, ber, granóla og múslí ofan á.
Berið fram og njótið.