Hjónin Birna Ásbjörnsdóttir og Guðmundur Ármann stofnendur og eigendur fyrirtækisins Jörth buðu í boð heim til sín. Hjónin búa á Eyrarbakka ásamt börnum sínum tveimur; Emblu og Nóa, en tilefni boðsins var að frumsýna nýjar vörur frá fyrirtækinu.

Hjónin tóku vel á móti gestum og skartaði heimilið sínu fegursta. 

Íslenska náttúran gefur ríkulegan innblástur

„Heimilið okkar er staðsett þar sem ís­lenska nátt­úr­an hefur gefið okkur ríku­leg­an inn­blást­ur í verk­efni sem eru okkur hug­leik­in, meðal annars fyrir fyrirtækið okkar og vörurnar sem við erum framleiða,“ segir Birna og því hafa þau valið að frumsýna vörurnar þar.

Boðið var upp á heimagerðar kræsingar, þar á meðal heimagert Kombucha og sjávarréttasúpu. Samveran var nærandi og voru gestir umvafðir náttúru og sjávarilm.

Fjórar nýjar vörur frá Jörth

Birna er doktor í heil­brigðis­vís­ind­um við Há­skóla Íslands og hefur starfað sem gest­a­rann­sak­andi við Harvard Medical School. Hún hefur mikla ástríðu fyrir starfi sínu og hefur rannsakað áhrif næringar og lífsstíls á þarmaflóruna. Hún hefur verið að vinna að nýju vörunum í langan tíma og loksins er verkefninu lokið og vörurnar orðnar að veruleika. Nýju vörurnar, fjórar talsins, sem Birna kynnti til leiks eru Immun, Nerv, Dorm og Focuz.