Krukkugrautur sem allir geta gert
Anna Guðný Torfadóttir býður upp á himneskan krukkugraut sem allir geta gert.
Samsett mynd
Setja bókamerki
Tengdar fréttir
Uppskriftir
Hér er á ferðinni einfaldur krukkugrautur sem allir geta gert. Heiðurinn af uppskriftinni á Anna Guðný Torfadóttir hjá Heilsu og vellíðan. Hún deildi uppskriftinni og aðferðinni með fylgjendum sínum á dögunum á Instagramsíðu sinni hér.
„Þennan graut mæli ég með að borða kaldan og ef þið viljið dekra aðeins meira við hann er tilvalið að setja í hann smá kókosmjöl og lífrænan sítrónubörk. Grauturinn geymist í 3-4 daga í ísskáp,“ segir Anna Guðný.
Þessi grautur er líka tilvalinn til taka með í nesti við hvaða tilefni sem er.
Einfaldur krukkugrautur
- 3 dl haframjöl
- 3 dl vatn
- 3 msk. chia fræ
- 2 dl kókosjógúrt frá Abbot Kinneys
- örlítið af salti
Ofan á grautinn og undir:
- Hindber eftir smekk
- Bláber eftir smekk
- Hnetusmjör ef vill, til að setja í botninn eftir nóttina, þá færið þið grautinn i annað glas eða krukku (sjá myndband)
Aðferð:
- Finnið til góða krukku með loki.
- Setjið allt hráefnið saman ofan í krukkuna og hrærið vel.
- Gott að hræra í þessu reglulega fyrst.
- Setjið síðan krukkuna inn í ísskáp yfir nótt.
- Takið út daginn eftir og toppið með því sem hugur ykkar girnist.
Tengdar fréttir
Uppskriftir
Bjarni: „Útilokað að þetta geti gengið upp“
Funda með þingflokkum
„Tímabil aukinnar eldvirkni“
Skattamál verði líklega „þeirra mesta klemma“
Ný ríkisstjórn kynnt á morgun
Ók á hóp fólks á jólamarkaði: Einn látinn
Beint: Ný ríkisstjórn tekin við völdum
