Guðdómleg morgunverðarskál með jarðarberjum og engifer
Þessi töfrandi með jarðarberjum og engifer er fullkomin til að hefja daginn á.
Ljósmynd/Kristjana Steingrímsdóttir
Setja bókamerki
Kristjana Steingrímsdóttir, alla jafna kölluð Jana, heilsumarkþjálfi og ástríðukokkur elskar að leika sér í eldhúsinu og útbúa ljúffenga morgunverði sem næra líkama og sál. Þessa dásamlegu morgunverðarskál töfraði hún fram á dögunum og auðvitað var bleiki liturinn í forgrunni.
Bleikur október í þágu Krabbameinsfélagsins er öllum hugleikinn þessa dagana og gefur innblástur í bleika kræsingar sem ljúft er fyrir alla að njóta.
Þetta er ofur holl skál sem auðvelt er að gera á skömmum tíma og gott að njóta. Sjáið handbragð Jönu hér fyrir neðan.
Jarðarberja- og engifer morgunverðarskál
- 1,5 bolli frosin jarðarber
- 1 bolli frosið blómkál
- 1 bolli jarðarber og vanillu grísk jógúrt (má nota hvað jógúrt eða skyr sem hugurinn girnist)
- 1 tsk. límónusafi
- 3 steinlausar döðlur
- Vænn bútur af fersku engifer
- 1/4 bolli vatn
- Nokkrir klakar eftir smekk
Valfrjálst:
- 1 msk. kollagen duft
- 1 msk. prótein duft
Aðferð:
- Setjið allt hráefnið í góðan blandara og blandið vel saman.
- Hellið í skál og skreytið með einhverju bleiku og gómsætu og berið fram.
Á fjórða tug barna með E.coli
„Staðan er óásættanleg og það er ekki kennurum að kenna“
Dagur og Þórður skella sér í landsmálin
Bjarni til liðs við Græningja
Leggur til breytingar á öðru en gagnsæi
Langalangamman kveikti áhugann
Forseti Alþingis kveður þingið
Búa sig undir árásir næstu daga