Rísandi stjarna með Þrista White Russian
Elvar að keppa á Íslandsmeistaramóti Barþjóna.
Ljósmynd/Sigurður Steinþórsson
Setja bókamerki
Tengdar fréttir
Uppskriftir
Nú er komið að kokteil helgarinnar en Barþjónaklúbbur Íslands kynnti til leiks nýjan Þrista White Russian með nýja Þrista líkjörnum frá Hovdenak Distillery á dögunum.
Höfundur kokteilsins er Elvar Halldór Hróarr Sigurðsson, sem er rísandi stjarna í veitingageiranum á Íslandi þessa dagana. Elvar er stjórnarmaður Barþjónaklúbbsins, vaktstjóri á Lebowski bar og framreiðslumaður að mennt. Elvar var framreiðslunemi ársins 2023 og keppti einnig fyrir Íslands hönd í norrænu nemakeppninni í Finnlandi 2024 og lenti þar í 3. sæti með sínu teymi. Elvar er alls ekki hættur og stefnir á að opna sinn eigin stað í framtíðinni.
Hann töfraði fram þennan ofurkokteil þar sem íslenski lakkrísinn fær svo sannarlega að njóta sín.
Gómsætur kokteill sem minnir á sælgæti, Þrista White Russian.
Ljósmynd/Elvar Halldór Hróarr Sigurðsson
Þrista White Russian
- 30 ml Hovdenak Distillery Þrista líkjör
- 30 vodki
- 15 ml Kahlúa
- 30 ml rjómi
- Þeyttur rjómi eftir smekk
- Súkkulaðispænir eftir smekk
Aðferð:
- Hellið Þrista líkjör, vodka, Kahlúa og rjóma í hristara.
- Hristið vel með klaka.
- Sigtið kokteilinn í „rocks“ glas með klaka.
- Skreytið með þeyttum rjóma og súkkulaðispæni ofan á.
Tengdar fréttir
Uppskriftir
Stuðningur við foreldra nauðsynlegur
Forseti Alþingis kveður þingið
„Þá liggur beinast við að strika hann út“
30% afsláttur á flugfargjöldum Icelandair
Ingibjörg leiði Miðflokkinn í Norðvesturkjördæmi
Búa sig undir árásir næstu daga
Ný könnun: Sjálfstæðisflokkur dalar og VG botnfrosið