Hreppstjórakaffi með kandís sem minnir á æskustundirnar
Setja bókamerki
Tengdar fréttir
Uppskriftir
Hreppstjórakaffið er drykkur helgarinnar og kemur úr kokteilabókinni Heimabarinn eftir þá Andra Davíð Pétursson og Ivan Svan Corwasce barþjóna en í bókinni er að finna fjölmarga girnilega kokteila og drykki sem eiga sér sögu.
Þennan drykk gerði Andri þegar hann var yfirbarþjónn á Mat og Drykk. Drykkurinn er innblásinn af íslenskri sveitasælu, en kaffið, rjóminn, brennivínið og kandís minna flesta Íslendinga á gæðastundir með ömmu og afa.
Þessi skemmtilega útfærsla af Irish Coffee er einstök á sinn hátt, brennivínið frá °64 Reykjavík Distillery parast einstaklega vel við kaffið, kandísið og rjómann enda ríkt af náttúrulegu kúmenbragði. Fitan úr rjómanum bindur svo allt bragðið saman í munninum og gefur silkimjúka áferð.
Hreppstjórakaffi
- 30 ml brennivín
- 15 ml kandíssíróp
- toppað kaffi
- toppað rjómi
Skraut:
- kandís
Aðferð:
- Hreppstjórakaffi er byggður drykkur og því fljótlegt að gera hann ef maður er með öll hráefnin við höndina.
- Byrjið á að setja brennivínið og kandíssírópið í bolla og toppið hann svo upp með rjúkandi heitu kaffi.
- Léttþeytið rjómann að lokum með því að setja vel af rjóma í hristara ásamt teskeið eða gorminum úr streinernum og hristum í dágóða stund þar til rjóminn hefur þykknað.
- Hellið rjómanum síðan varlega yfir kaffið í bollanum og skreytið með muldum kandísmolum.
- Berið fram með reisn.
Tengdar fréttir
Uppskriftir
„Mér finnst gamla Samfylkingin komin aftur“
Stormur á Þorláksmessu en víðast hvar stefnir í hvít jól
„Þetta er ríkisstjórn almannahagsmuna“
Barn lést í árásinni
Fyrsti blaðamannafundurinn í heild sinni
Ók á hóp fólks á jólamarkaði: Einn látinn
