Wagyu lúxusborgarinn hans Bjarka er rosalegur
Setja bókamerki
Tengdar fréttir
Uppskriftir
Bjarki Snær Þorsteinsson, matreiðslumaður og landsliðskokkur elskar góða hamborgara og steikir þá allan ársins hring. Hann er mikill sælkeri og hefur ástríðu fyrir að nostra við matargerðina og bæta við þessu extra.
Bjarki að sviptir hér hulunni af sínum uppáhaldshamborgara þessa dagana. Þessi hamborgari er rosalegur, algjör lúxusútgáfa, samsetningin er framúrskarandi og það verður erfitt að toppa þennan. Allir hamborgaraaðdáendur eiga eftir missa sig yfir þessum.
„Uppáhaldsborgarinn minn er Wagyu borgari með 12 mánaða Ísbúa, lauksultu, trufflukremi, klettasalati, steiktu foie gras í dúnmjúku kartöflubrauði frá Le kock, borið fram með kartöfluflögum og ískaldri Curiosity cola frá fentimans,“ segir Bjarki og fær vatn í munninn.
Wagyu lúxusborgari að hætti Bjarka
- 2 stk. 120 g wagyu hamborgarar frá Sælkerabúðinni
- 2 kartöflubrauð frá Le Kock
- 4 sneiðar Ísbúi
- Klettasalat eftir smekk
- Lauksulta eftir smekk (sjá uppskrift fyrir neðan)
- Trufflukrem frá cuisine.is
- Foie gras, steikja
Aðferð:
- Byrjið á að steikja foie gras á pönnu þar til gullinbrúnt.
- Steikið næst hamborgarann á sömu pönnu, þegar hann er gullinbrúnn setjið þá 12 mánaða Ísbúa á borgarann og brennið með gasbrennara.
- Steikið því næst brauðin á sömu pönnu með fitunni frá andalifrinni og wagyu kjötinu.
- Setjið síðar brauðið á disk eða bretti.
- Setjið trufflukrem frá cuisine.is á botninn, því næst klettasalat, svo lauksultuna, bætið síðan borgaranum við og aftur trufflukrem og lokið.
- Leggið andalifrina ofan á brauðið og njótið með kartöfluflögum.
Lauksulta
- 2-3 msk. olía
- 4 rauðlaukar, skornir í tvennt og sneiddir í þunnar sneiðar
- 3 msk. balsamikedik
- 2-3 msk. hrásykur
Aðferð:
- Hitið olíuna í góðum potti og setjið laukinn út í .
- Steikið við lágan hita í olíunni þar til laukurinn er orðinn mjúkur eða í u.þ.b. 5 mínútur. Bætið balsamik-ediki og sykri út í og látið malla undir loki við lágan hita í 30 – 40 mínútur. Hrærið reglulega í lauksultunni.
- Saltið eftir smekk.
- Setjið í gott ílát með loki.
Tengdar fréttir
Uppskriftir
Funda með þingflokkum
Stormur á Þorláksmessu en víðast hvar stefnir í hvít jól
Víkingar komnir yfir 800 milljónir í greiðslur
Bjarni: „Útilokað að þetta geti gengið upp“
Forstjóri bendir á ábyrgð birgja vegna verðhækkana
Barn lést í árásinni
Skattamál verði líklega „þeirra mesta klemma“
