Brie-ostasmjör með hunangi og timían
Setja bókamerki
Gabríel Kristinn Bjarnason matreiðslumaður og landsliðskokkur gaf út kokkabókina Þetta verður veisla á dögunum. Bókin er stútfull af einföldum eðalréttum sem munu áreiðanlega slá í gegn í veislum landsmanna.
Þar er meðal annars að finna þessa frábæru uppskrift Brie-ostasmjöri með hunangi og timían sem er syndsamlega ljúffengt. Þetta smjör er tilvalið að bjóða upp á í næsta matarboði og töfra gestina upp úr skónum. Með smjörinu er upplagt að bera fram nýbakað súrdeigsbrauð eða djúpsteiktar vöfflur að hætti Gabríels.
Brie-ostasmjör með hunangi og timían
- 250 g brie-ostur
- 250 g smjör
- 1 msk. hunang
- ferskt timian
Aðferð:
Byrjið á því að taka smjörið úr kæli að minnsta kosti fjórum klukkustundum fyrir notkun, best væri að taka það úr kæli daginn áður.
Skerið næst húðina af brie-ostinum vegna þess að hún þeytist illa.
Byrjið á því að þeyta ostinn og smjörið saman í matvinnslu- eða hrærivél þangað til áferðin verður silkimjúk.
Setjið síðan smjörið í skál og skreytið með hunangi og fersku timían og berið fram með ristuðu súrdeigsbrauði.
/frimg/1/52/48/1524861.jpg)
Útspil ríksins hafi hleypt illu blóði í félagsmenn
Tveir nýir inn í framkvæmdastjórn Sýnar
Tala látinna hækkar enn vegna flóðanna
Ætliði að gefa út bók eftir þessa Moggastelpu?
Vill skattleggja greinina og veita henni svo styrki
Græddi á láninu
Ekki lengur hefðbundin meðferðardeild á Stuðlum
