Matur | mbl | 3.11.2024 | 12:00

Guðdómlega góður lambaréttur Elsu í Frozen

Elsa í Frozen býður upp á lambarétt borinn fram með grískri jógúrtsósu sem er að finna í Frozen matreiðslubókinni. Samsett mynd

Sunnudagar eru gjarnan fjölskyldudagar og þá er gaman að elda saman og eiga góða stund. Gamla góða hefðin var að bjóða upp á lambakjöt á sunnudögum og margir halda í þá hefð. Lambalærið og hryggurinn hafa notið mikilla vinsælda en kótilettur eru líka afar góðar.

Elsa í Frozen er hrifin af lambakjöti og sérstaklega kótilettum. Með kótilettunum býður hún upp á gríska jógúrtsósu sem er bæði holl og bragðgóð. Síðan er upplagt að bera fram ferskt salat með þessum rétti.

Uppskriftina er að finna í Frozen matreiðslubókinni, hún bæði einföld og þægileg. Best er að gera jógúrtsósuna fyrst og leyfa henni að bíða í kæli í nokkrar klukkustundir fyrir notkun.

Lambaréttur Elsu í Frozen

Fyrir 4

Lamb

8 kótilettur
gróft sjávarsalt eftir smekk
svartur pipar eftir smekk

Aðferð:

Setjið pönnu yfir háan hita.
Steikið kótiletturnar í 3–4 mínútur á hvorri hlið.
Þegar þær eru tilbúnar skuluð þið taka pönnuna af hitanum.
Leggið pönnuna til hliðar og leyfið kjötinu að standa í 3–5 mínútur.
Ef þið viljið kjötið meira steikt, skuluð þið leyfa pönnunni að vera á hitanum lengur.
Berið síðan kótiletturnar fram ásamt jógúrtsósunni á fallegan hátt.

Grísk jógúrtsósa