Ómótstæðilega gott vatnsmelónusalat fyrir matgæðinga
Ómótstæðilega melónusalat sem á vel við til að næra sálina í myrkrinu.
Ljósmynd/Aðsend
Setja bókamerki
Tengdar fréttir
Uppskriftir
Fersk og góð salöt gleðja sálina á þessum árstíma og rifja gjarnan upp sumarminningarnar. Þetta ferska og litríka vatnsmelónusalat minnir okkur einmitt á hlýja sumardaga og á vel þessa dagana í myrkrinu. Sætleikinn úr safaríkri vatnsmelónunni, saltbragð ólífanna og fetaostsins er ómótstæðilega góð blanda. Síðan toppar myntan salatið með sínum ilmandi ferskleika.
Heiðurinn af þessari dýrð á Björk Jónsdóttir matgæðingur en hún töfraði fram þetta undurgóða salat og Tzatziki sósuna fyrir sumarblað Húsfreyjunnar. Albert Eiríksson matarbloggari birti eftirfarandi uppskrift á heimasíðu sinni, Albert eldar, og er iðinn við að birta uppskriftir frá öðrum sem heilla hann.
Myntan gefur svo skemmtilegt ferskt bragð og minnir á sumarið.
Ljósmynd/Aðsend
Vansmelónusalat og Tzatziki sósa
Vatnsmelónusalat
- 1 vatnsmelóna
- 10 – 12 steinlausar svartar ólífur
- 1 ½ dl Fetaostur í teningum
- Ein lúka af ferskri myntu
Aðferð:
- Skerið vatnsmelónuna í fallega teninga
- Skerið ólífurnar í sneiðar og saxið myntuna
- Blandið öllu saman og stráið myntunni yfir.
- Berið fram á fallegan hátt ásamt Tzatziki sósunni (sjá uppskrift fyrir neðan)
Tzatziki sósa
- 4 dl grísk jógúrt
- ½ dl sýrður rjómi
- 200 g agúrka
- 2 stór hvítlauksrif
- ½ -1 matskeið saxað dill (má sleppa)
- Smá ólífuolía, salt og pipar eftir smekk
Aðferð:
- Rífið agúrkuna gróft, kreistið vökvann frá.
- Pressið hvítlaukinn.
- Blandið öllu vel saman og smakkið til með salt og pipar.
- Smá ólífuolíu dreypt ofan á. Fallegt að skreyta með svörtum ólífum.
Tengdar fréttir
Uppskriftir
Úlfar: Heppileg tímasetning á gosinu
Búseta skortir byggingarlóðir
Á algjöru frumstigi eftir þrjár vikur af verkfalli
Gosið gæti varað lengur: Meiri fyrirstaða í gosrásinni
Borgin verður af milljörðum eftir dóm Hæstaréttar
Sparnaður heimila vex meira en áður var talið
Erlendir miðlar greina frá tíunda gosinu