Matur | mbl | 25.11.2024 | 18:00

Ljómandi góður ofnbakaður saltfiskur í kormasósu

Girnilegur fiskréttur í kormasósu sem bragð er af. Ljósmynd/Ingunn Mjöll

Ofnbakaður fiskur í indverskri karrísósu getur verið algjört sælgæti. Þessi fiskréttur, saltfiskur í kormasósu er ljómandi góður og heiðurinn á uppskriftinni á Ingunn Mjöll sem heldur úti uppskriftavefnum Íslandsmjöll. Með réttinum er tilvalið að bera fram ferskt salat að eigin vali.

Ofnbakaður saltfiskur í kormasósu

1 flak saltfiskur eða þorskur, skorið í bita
1 krukka Patak's Kormasósa
2 skalotlaukar
1 dós maís
1 pk. hrísgrjónum, soðin
6-8 kartöflur, soðnar, skornar í sneiðar
Rifinn ostur eftir smekk

Aðferð:

Byrjið á því að hita ofninn í 180°C.
Setjið síðan sósuna í pott og bætið saman við restina í krukkunni smávegis af mjólk eða vatni og hristið vel saman og bætið út í pottinn.
Bætið síðan saman við maís og skalotlauk og látið malla í um 10 mínútur.
Hellið blöndunni í eldfast mót og raðið svo fiskinum í sósuna jafnt.
Dreifið yfir réttinn rifnum osti og setjið inn í ofn á 180°C í um 15-20 mínútur.
Berið fram með fersku salati.