Rósarkálssalat með fíkjudressingu

• 1,5 bolli soðnar linsubaunir
• 3 bollar vatn
• 1 msk. grænmetiskraftur
• 300 g rósakál, skorið í mjög þunnar sneiðar, Jönu finnst gott að nota mandólín
• 4 gulrætur, skornar mjög smátt, gott að nota mandólín
• ½ bolli granateplafræ
• Handfylli klettasalat
• 10 g ferskt basil
• 1/3 bolli karamellseraðar valhnetur (sjá uppskrift fyrir neðan)
• Fíkjudressing (sjá uppskrift fyrir neðan)
• Ferskar fíkjur til skrauts, ef vill

Aðferð:

1. Byrjið á að sjóða linsubaunirnar.
2. Setjið linsubaunirnar, vatn og grænmetiskraft í pott og látið suðuna koma upp.
3. Lækkið síðan niður í suðunni og leyfið að malla í um það bil 20-25 mínútur.
4. Meðan linsubaunirnar eru að sjóða er lag að gera valhneturnar, dressinguna og skera niður rósakálið og gulræturnar.

Samsetning:

1. Setjið síðan allt saman, linsubaunir, rósakál, gulrætur, granateplafræ, klettasalat, basil, valhnetur og dressingu í skál og blandið vel saman.
2. Upplagt er að skreyta síðan með ferskum fíkjum.

Fíkjudressing

• 4 msk. góð ólífuolía
• 2 msk. balsamik edik
• 3 msk. (40 ml) fíkjusulta
• 1/4 tsk. sjávarsalt
• 1/4 tsk. svartur pipar
• 1/8 tsk. hvítlauksduft

Aðferð:

1. Setjið allt hráefnið saman ofan í krukku með loki og hristið dressinguna vel saman.

Karamellseraðar valhnetur

• 1/3 bolli valhnetur
• 1-2 msk. akasíuhunang
• 1/4 tsk. kanill
• 1/4 tsk. salt

Aðferð:

1. Setjið allt hráefnið á pönnu og hitið á miðlungshita í um það bil 7 mínútur.
2. Kælið fyrir notkun.