Nýjar sælkerakræsingar eru mættar til landsins sem koma úr smiðju Parlans Konfektyr. Hann er þekktur sænskur sælgætisframleiðandi sem kemur beint frá hjarta Stokkhólms með handgerðar klassískar karamellur, sælkerasósur og gæðasúkkulaði gert úr náttúrulegum hráefnum og alvöru ástríðu. Sjálfur er hann mikill sælkeri og sækir innblástur sinn í það sem heillar hann.

Sælkerasósurnar frá Parlans Konfektyr njóta ótrúlegra vinsælda og eru þær góð viðbót við eftirréttinn og baksturinn, og fæstir standast freistinguna að smakka karamelluna beint úr krukkunni með skeið að sögn þeirra sem þekkja til.

„Umbúðirnar eru smart með klassísku yfirbragði sem vekur um leið upp nostalgíu og eru vörurnar frá Parlans Konfektyr tilvalin gjafahugmynd fyrir sælkerana í þínu lífi. Sælkerakaramellusósurnar eru bragðbættar með eplum og kanil, vanillu, lakkrís, saltkaramellu og súkkulaðibragði og eru hver annarri betri,“ segir Kjartan Páll Eyjólfsson hjá Epal.