Matur | Neytendur | mbl | 8.1.2025 | 10:15 | Uppfært 12:25

Innköllun á Mild Chunky salsasósu vegna aðskotahlutar

Aðföng, að höfðu samráði við Heilbrigðiseftirlit Reykjavíkur, hefur stöðvað sölu og innkallað frá neytendum Mild Chunky salsasósu frá Old Fashioned Cheese. Ljósmynd/Aðsend

Aðföng, að höfðu samráði við Heilbrigðiseftirlit Reykjavíkur, hefur stöðvað sölu og innkallað frá neytendum Mild Chunky salsasósu frá Old Fashioned Cheese (OFC). Þetta kemur fram í tilkynningu frá Aðföngum og Heilbrigðiseftirliti Reykjavíkur.

Ástæða innköllunar er sú að aðskotahlutur, glerbrot, fannst í einni krukku.

Hver er hættan?

Glerbrot í matvælum geta valdið neytendum skaða.

Upplýsingar um vöru sem innköllunin einskorðast við:

Vörumerki: Old Fashioned Cheese (OFC)

Vöruheiti: Mild Chunky Salsa

Geymsluþol: Best fyrir 16-02-2025 ( EXP 16 FEB 2025 )

Lotunúmer: MCSP 24-047 001

Strikamerki: 048707444215

Nettómagn: 425 g

Framleiðandi: Old Fashioned Foods, Inc.

Framleiðsluland: Bandaríkin

Heiti og heimilisfang fyrirtækis sem innkallar vöru: Aðföng, Skútuvogi 7-9, 104 Reykjavík.

Dreifing hefur verið í verslanir Hagkaupa og Bónuss um land allt.

Leiðbeiningar til neytenda

Neytendur sem keypt hafa umrædda vöru eru beðnir um að neyta hennar ekki og farga en einnig geta þeir skilað henni í versluninni þar sem hún var keypt gegn fullri endurgreiðslu. Nánari upplýsingar um innköllun er að finna hjá gæðastjóra Aðfanga í síma 530 5600 eða í gegnum netfangið gm@adfong.is.