Matur | mbl | 1.2.2025 | 12:30

Klassísk marmarakaka gefur gott bragð

Árni Þorvarðarson bakari kann sig fag og býður upp á klassíska marmaraköku með helgarkaffinu. mbl.is/Eyþór

Marmarakaka er sígildur kökubotn sem hefur verið vinsæll í áratugi. Hún er ekki aðeins falleg á að líta með sínu einstaka marmaramynstri, heldur einnig mjúk, djúsí og fullkomin blanda af vanillu og súkkulaði.

Kakan er einföld í bakstri og krefst hvorki flókinna hráefna né sérstakra tækja, sem gerir hana að fullkomnu kökunni fyrir bæði byrjendur og lengra komna. Kakan er góð hvort sem hún er borin fram með kaffibolla, ískaldri mjólk eða sem helgarnammi. Heiðurinn af uppskriftinni á Árni Þorvarðarson bakari og fagstjóri við Hótel- og matvælaskólann í Kópavogi.

Falleg og djúsí marmarakaka bökuð á klassískan máta eins og ömmur okkar gerðu. mbl.is/Eyþór

Klassísk marmarakaka

200 g smjör, mjúkt
200 g sykur
4 stk. egg
100 ml mjólk
300 g hveiti
2 tsk. lyftiduft
sítrónudropar, nokkrir dropar
2 msk. kakó

Aðferð:

Hitaðu ofninn í 180°C.
Smyrðu og stráðu hveiti í form til að tryggja að kakan losni vel.
Þeyttu saman mjúkt smjör og sykri þar til blandan verður létt og loftkennd.
Bættu eggjunum út í einu í einu og hrærðu vel á milli.
Blandaðu hveiti og lyftidufti saman og bættu því smám saman út í deigið til skiptis við mjólkina. Settu vanilludropana saman við.
Skiptu deiginu í tvær jafnstórar skálar. Í aðra skálina bætir þú kakói og hrærir vel saman.
Helltu hvoru deiginu til skiptis í form og dragðu gaffal í gegnum deigið til að búa til marmaramynstur.
Bakaðu í um 45-50 mínútur, eða þar til kakan er orðin gyllt og bökuð í gegn.