Matur | Veitingastaðir | Morgunblaðið | 4.2.2025 | 16:30

Nýstárlegur fiskréttur – sojagljáður kinnfiskur

Nýstárlegur fiskréttur sem veitingastaðurinn Mar býður upp á. Sojagljáður kinnfiskur borinn fram á koparpönnu. mbl.is/Ásdís

Yfirkokkurinn, Óðinn Birgir Árnason og einn eigenda, á nýja fiskistaðnum Mar á Frakkastíg er snillingur að töfra fram dýrðlega fiskrétti sem lokka til sín svanga munna.

Á dögunum þegar blaðamaður Morgunblaðsins, Ásdís Ásgeirsdóttir, bar að garði galdraði Óðinn fram þennan frumlega fiskrétt, sojagljáðann kinnfisk, ásamt fleiri fiskréttum, sem hann bar fram á koparpönnu. Hann ljóstraði upp uppskriftinni fyrir lesendur Morgunblaðsins og nú er bara að prófa þennan líka og njóta.

Frétt af mbl.is

Eins og í mat hjá mömmu

Sojagljáður kinnfiskur

Fyrir fjóra

1 kg kinnfiskur, við notum þorsk en má vera steinbítur eða hvaða kinnfiskur sem er
50 g pak choy-kál
1 stk. chilli, skorið í sneiðar
2 stk. hvítlauksgeirar, kramdir og
saxaðir
100 g smjör
1 stk. límóna
5 stk. þunnt skornir sveppir

Gljái

25 g sykur
50 g sojasósa
1 stk. chilli, skorinn í sneiðar
5 g hvít sesamfræ
5 g svört sesamfræ
3 g maizena

Aðferð:

Blandið öllu saman nema maizena og sjóðið upp.
Setjið svo maizena út í heitan vökvann þar til orðinn mjúkur og gljáandi.
Hitið pönnu vel og bætið helmingi af smjöri út á.
Setjið kinnarnar á pönnuna og náið góðri steikingu á þær.
Snúið við á pönnunni. P
ak choy, hvítlauk, sveppum og rest af smjöri bætt við og það fellt.
Bætið gljáanum við eftir smekk; gott er að muna að gljáinn er bragðmikill og gott gæti verið að bera hann fram með svo að fólk geti fengið sér eftir smekk.
Borið fram með soðnum hrísgrjónum.