Grænmetislasanja

Fyrir 6

• 2 stk. gulir laukar, saxaðir
• 1 búnt spergilkál, smátt saxað nema stilkar
• 3 stilka sellerí (3 - 6)
• 1 box, sveppir, sneiddir (345 g)
• 2 stk. eggaldin, skorin í sneiðar
• ½ stk. kúrbítur, smátt saxaður
• 2 stk. sætar kartöflur, skornar í teninga
• 1 handfylli af söxuðum döðlum
• 40 g suðusúkkulaði
• 2 dósirniðursoðnir, saxaðir tómatar
• 2 dl vatn
• 2 grænmetisteningar
• Salt, svartur pipar, chili-flögur eftir smekk
• Olía til steikingar
• 1 pk. lasanjablöð
• rifinn mozzarella-ostur
• Parmesan, rifinn
• Salat að eigin vali

Aðferð:

1. Hitið ofninn í 180°C.
2. Skerið allt grænmetið.
3. Skerið laukinn í sneiðar, spergilkálið mjög smátt og sleppið stilkinum en það er auðvitað val, selleríið er skorið í sneiðar eins og sveppirnir.
4. Kúrbíturinn er skorinn smátt.
5. Steikið grænmetið í olíunni og á meðan er eggaldinið skorið langsum, penslað með olíu og hitað í ofninum.
6. Kartöflurnar eru skornar í teninga (því smærri, því fljótari eru þeir að steikjast) og settir í ofninn og látnir verða mjúkir.
7. Þegar grænmetið á pönnunni er orðið mjúkt er tómötunum hellt saman við ásamt vatni.
8. Kryddið eftir smekk og bætið við döðlunum.
9. Súkkulaðið er sett saman við alveg í lokin.
10. Látið smásjóða á meðan grænmetið í ofninum er að klárast.
11. Svo er bara að púsla þessu saman í form.
12. Notið ekki allar kartöflurnar, geymið til að strá yfir í lokin.
13. Sósa fyrst, lasanjablöðum og eggaldin raðað, sósa yfir, kartöflur og svo framvegis.
14. Stráið osti yfir, vippið inn í ofninn og bakið í 30- 40 mínútur.
15. Látið standa og kólna aðeins áður en þið berið réttinn fram.
16. Gott er að bera fram með fersku salati og parmesanosti til að rífa yfir réttinn.