Gulrótarkökuboltar

• 1 bolli gulrætur, rifnar á rifjárni, eða matvinnsluvél
• 1 bolli haframjöl
• ½ bollivalhnetur
• ¼ bolli kasjúhnetur (eða möndlur eða sólblómafræ)
• 20 döðlur, steinlausar
• 6 þurrkaðar apríkósur
• 2 msk. hörfræ eða chiafræ
• 1 tsk. vanilla
• 1-2 tsk. kanilduft
• 1 tsk. rifinn appelsínubörkur
• 1-3 msk. appelsínusafi, nýkreistur
• 1 msk. kollagen duft, Feel Iceland, valfrjálst
• ¼ bolli kókosmjöl til að rúlla kúlunum upp úr eða strá yfir bitana (valfrjálst)

Aðferð:

1. Rífið gulræturnar í matvinnsluvélinni og takið til hliðar þar til síðast.
2. Setjið haframjölið, valhnetur, kasjúhnetur, döðlur, apríkósur, hörfræ, vanillu, kanil, kollagen, appelsínubörk og 1 msk. appelsínusafa í matvinnsluvélina.
3. Kveikið á vélinni og blandið vel saman.
4. Ef deigið klístrast ekki nóg saman skulu þið bæta við 1-2 matskeiðum appelsínusafa til viðbótar til að binda það vel saman.
5. Að lokum er gulrótunum bætt aftur í matvinnsluvélina og hrært nokkrum sinnum til að blanda saman við.
6. Dreifið úr deiginu á bökunarpappírsklæddan disk eða bretti sem kemst í frysti.
7. Stráið jafnvel kókosmjöli og rífið smá appelsínubörk yfir.
8. Skerið í hæfilega stóra eða litla bita og frystið í nokkrar klukkustundir.
9. Þegar bitarnir eru frosnir getið þið sett þá í lokað box og geymt í frysti og nælt ykkur í bita þegar ykkur langar í gulrótarorkubita eða kúlu.
10. Það er líka fallegt að rúlla deiginu upp í litlar kúlur og velta þeim upp úr kókosmjöli og geyma þannig í boxi inni í frysti.