Beint: Keppnin Kokkur ársins er hafin
Setja bókamerki
Í dag fer fram keppnin um Kokk ársins í versluninni IKEA í Garðabæ og mikið verður um dýrðir enda fimm framúrskarandi kokkar að etja kappi. Ljóst er að keppnin verður afar hröð og æsispennandi.
Keppnin hófst klukkan 9 í morgun en verslun IKEA opnar klukkan 11:00 og þá geta allir komið og fylgst með keppninni en henni er einnig streymt beint hér á mbl.is.
IKEA hefur sett upp 5 keppniseldhús þar sem gengið er út úr versluninni inn á sjálfsafgreiðslulagerinn.
„Það er frábært að fylgjast með starfsfólki IKEA setja upp og taka niður þessi eldhús, þau nálgast verkefnið af mikilli fagmennsku og reynslu,“ segir Þórir Erlingsson, forseti Klúbbs matreiðslumeistara, en klúbburinn stendur fyrir keppninni.
Þessi fimm keppa um titilinn
Forkeppni fór fram á fimmtudaginn síðastliðinn og þeir sem komust áfram og etja kappi í dag eru hér í starfsrófsröð:
- Gabríel Kristinn Bjarnason frá Expert
- Gunnar Georg Gray frá Brút
- Hugi Rafn Stefánsson frá Fröken Reykjavík
- Ísak Aron Jóhannsson frá Múlakaffi
- Wiktor Pálsson frá Lola
Skylduhráefni í keppninni í dag eru listuð hér að neðan en öll þessi hráefni þurfa að sjást og bragðast þegar dómari fær lokadisk. Keppninni lýkur um klukkan 16.30 í dag og verður verðlaunaafhending í Bjórgarðinum, Fosshólmi Reykjavík, klukkan 19.00 í kvöld.
Forréttur:
- Kalkúnalæri
- Pak choi íslenskt
- Gulrætur
- Smjördeig
Aðalréttur:
- Skötuselur
- Svartrót
- Toppkál
- Mórelusveppir
Hlíðardiskur/skál
- Skötuselskinnar
- Feykir ostur
Eftirréttur
- Hafþyrnisber frosinn
- Cacao barry Súkkulaði hvítt/saltkaramellu Zephyr 35%
- Pistasíupaste
- Fáfnisgras
Sprungan nú 1,2 km að lengd
Mjög alvarlegt slys
Gosið ekki „mjög aðlaðandi“ að sjá frá brautinni
Virðist vera „lítill leki“ frá stærri atburði
/frimg/1/55/75/1557589.jpg)
/frimg/1/55/52/1555285.jpg)
Fólk fari eftir tilmælum: Mögulega stærri sviðsmynd
