Jólasteik Hrefnu Sætran kemur á óvart

Ljósmynd/Björn Árnason

Það er hin eina sanna Hrefna Sætran sem galdrar hér fram heimsklassa jólamáltíð eins og henni einni er lagið. Uppskriftin birtist í Hátíðamatarblaði Matarvefsins og Hagkaups sem slegið hefur í gegn - svo mikið reyndar að fólk hefur mætt í hrönnum upp í Hádegismóa til að verða sér út um eintak af því. Okkur skilst að enn séu nokkur eintök eftir af því í Hagkaup í Smáralind en fyrir þá sem eru að örvæntingu komnir er hægt að nálgast eintak af blaðinu HÉR.

Frétt af mbl.is

Hrefna toppar sig eina ferðina enn

Lakkrískryddað hreindýr að hætti Hrefnu Sætran

Fyrir 4

800 g hreindýrakjöt
8 msk. hrásykur
2 msk. fennelfræ
3 msk. svartur pipar
2 anísstjörnur
4 msk. sjávarsalt
Smjörklípa
2 greinar rósmarín

Aðferð:

Merjið fennelfræin, piparinn og anísstjörnurnar í mortéli eða á þann hátt sem þið kjósið. Blandið öllum kryddunum saman í skál. Snyrtið kjötið og skerið það í 4 steikur. Þerrið kjötið og veltið því upp úr kryddblöndunni. Hitið pönnu við miðlungshita og hellið olíu út á. Steikið kjötið í 2 mínútur á annarri hliðinni, snúið því við og steikið áfram í 1 mínútu. Slökkvið undir pönnunni og setjið smjörið út á ásamt rósmaríninu. Setjið kjötið í eldfast mót og inn í 180°C heitan ofn í 5 mínútur. Leyfið kjötinu að standa vel áður en það er skorið.