Matur | Jólauppskriftir KYNNING | mbl | 16.12.2022 | 19:38

Eftirrétturinn sem sigraði hjörtu landsmanna

Hér er á ferðinni uppskrift sem sigraði eftirréttakeppni Rásar 2 fyrir nokkrum áratugum. Höfundur hennar var Sverrir Páll Erlendsson en við erum að tala um forláta After Eight búðing sem hefur verið fastur liður í jólahaldi ansi margra fjölskyldna hér á landi allt frá því hann sigraði keppnina góður.

Myntudraumur

1 dós (400 g) rjómaostur
2 egg
8-10 msk. flórsykur
1-2 tsk. vanilludropar
200 g Carletti súkkulaði
½ l rjómi
10-12 plötur After Eight
Skraut: After Eight, rjómi og/eða vanilluís

Aðferð:

Rjómaosturinn hrærður vel svo hann verði kekkjalaus.
Eggin rækilega þeytt ásamt flórsykri og vanilludropum, blandað saman við ostinn.
Súkkulaðið brætt og hellt smátt og smátt út í á meðan hrært er. Kælt um stund í ísskáp eða frysti.
10-12 plötur After Eight kældar í frysti og síðan brytjaðar nokkuð smátt og settar saman við.
Rjóminn stífþeyttur og blandað varlega með skeið/sleif saman við allt hitt.
Sett í skál og kælt vel.
Borið fram í eftirréttaskálum. Til skrauts má stinga einni plötu af After Eight á hornið ofan í. Svolítil sletta af þeyttum rjóma og/eða smákúlur af vanilluís til skrauts og bragðbætis ef vill.