Wellington

• 400 g nautalund
• 1 msk. dijon-sinnep
• 200 g sveppir smátt skornir
• 1 skalottlaukur smátt skorinn
• 5 g steinselja smátt skorin
• 5 sneiðar parmaskinka
• 1 msk. brauðrasp
• salt
• pipar
• olía
• smjör
• plastfilma
• eggjarauður
• 20 x 20 cm smjördeig
• 5 x 20 cm smjördeig

Aðferð:

1. Kryddið nautalund með salt og pipar eftir smekk, grillið eða steikið á öllum hliðum.
2. Penslið dijon-sinnepi á lundina og setjið í kæli í 2-3 klst.
3. Hitið pönnu með olíu og smjörklípu og steikið sveppi og skalottlauk þar til fulleldað.
4. Bætið næst steinselju út í og smakkið til með salti og pipar.
5. Setjið filmu á borðið og leggið parmaskinku ofan á til að mynda ferkantað lag, jafn breitt og nautalundin.
6. Dreifið sveppa-duxelle með spaða ofan á parmaskinkuna og stráið brauðraspi jafnt yfir.
7. Leggið nautalund í miðjuna á parmaskinkunni og rúllið upp.
8. Setjið inn í kæli í plastfilmu í 12 klst.
9. Setjið 20 x 20 smjördeigsörk á boðið og nautalundina vafða í parmaskinku og sveppi þar í miðjuna.
10. Vefjið upp og skerið aukadeig frá.
11. Penslið vel með eggjarauðum og lokið báðum endum.
12. Penslið allt smjördeigið með eggjarauðum.
13. Skerið út smjördeigsörkina sem er 5 x 20 í munstur að eigin ósk og leggið það yfir smjördeigið.
14. Penslið aftur með eggjarauðum.
15. Bakið við 190 gráður með blæstri og eldið upp í 43 gráða kjarnhita, látið standa í 30 mínútur.

Hunangsristaðar gulrætur

• 300 g gulrætur
• 50 g smjör
• 40 g hunang
• salt
• olía

Aðferð:

1. Setjið gulrætur í eldfast mót, bætið við smjöri, hunangi og smá olíu og kryddið með salti eftir smekk.
2. Bakið á 180 gráðum í 20-30 mínútur og hrærið reglulega í þeim svo hunangið brenni ekki.

Hvítlauksristaðir sveppir

• 250 g kjörsveppir
• 1 hvítlauksgeiri smátt skorinn
• 5 g steinselja smátt skorin
• olía
• smjör
• salt

Aðferð:

1. Hitið pönnu að háum hita.
2. Skerið sveppi til helminga og steikið í olíu þar til eldaðir.
3. Bætið smjörklípu og hvítlauk út í pönnuna.
4. Takið af hitanum og bætið steinselju út í, kryddið með salti eftir smekk.

Rósmarínkartöflur

• 400 g smælkiskartöflur
• 5 g rósmarín
• 2 hvítlauksgeirar
• salt
• pipar
• olía
• smjör

Aðferð:

1. Setjið smælki í eldfast mót og dreifið olíu yfir, kryddið með salti og pipar eftir smekk.
2. Setjið smjörklípu, rósmarín og hvítlauk í eldfast mót og bakið á 190 gráðum í 40 mín.