Vilja yfirfara kosningastyrki

Vinstrihreyfingin - grænt framboð og Ólafur F. Magnússon munu á morgun leggja fram tillögu í borgarstjórn um að innri endurskoðun borgarinnar verði falið að yfirfara og birta upplýsingar um fjárstyrki til frambjóðenda fyrir sveitarstjórnarkosningarnar 2006.

Nær tillagan þannig til fjárstyrkja „vegna þátttöku þeirra borgarfulltrúa og varaborgarfulltrúa, sem kjörnir voru í sveitarstjórnar-kosningunum 2006 og sem þess óska, í prófkjörum og forvölum“.

Vísað er til laga um fjármál stjórnmálasamtaka og frambjóðenda og um upplýsingaskyldu þeirra sem tóku gildi 1. júní 2007.

Ólafur F. Magnússon er meðflutningsmaður tillögunnar. mbl.is/Kristinn

• 1 blogg um fréttina

Bloggað um fréttina

• Guðmundur Pétursson: Sjálfstæðismenn ráðþrota og fastir í eigin lygavef