Strákagöng lokast ef hlíðin fer

„Ástandið á veginum við Strákagöng er viðsjárvert og ljóst að það þarf að bregðast hratt við þeirri alvarlegu stöðu sem komin er upp,“ sagði Bjarni Jónsson, formaður umhverfis- og samgöngunefndar, eftir fund nefndarinnar með Vegagerðinni og fulltrúum sveitarfélaga í Fjallabyggð og Skagafirði.

Hann leggur áherslu á að endurskoða þurfi samgönguáætlun og að forgangsraða þurfi verkefnum með tilliti til öryggishagsmuna.