![Theis Ørntoft](/myndir/gagnasafn/2024/09/05/b3f2a9eb-c9cc-4946-b5f8-c6586a08aa94.jpg)
Theis Ørntoft
Danski rithöfundurinn Theis Ørntoft hlýtur Bókmenntaverðlaun Pers Olovs Enquist í ár og veitir þeim viðtöku í Gautaborg 28. september. Hlýtur hann 770 þúsund krónur að launum. Verðlaunin eru veitt ungum höfundum sem eru að skapa sér nafn í Evrópu og hafa verið veitt árlega síðan 2004. Stofnað var til verðlaunanna í tengslum við 70 ára afmæli Enquists.
Ørntoft hlaut fyrr á árinu Evrópsku bókmenntaverðlaunin fyrir skáldsöguna Jordisk (2023), sem einnig er tilnefnd til Bókmenntaverðlauna Norðurlandaráðs sem afhent verða í október. Tveir Íslendingar hafa hlotið Enquist-verðlaunin, Fríða Ísberg 2022 og Jón Kalman Stefánsson 2011.