![Aukasvið Snæbjörn Brynjarsson, nýráðinn leikhússtjóra Tjarnarbíós, dreymir um að stækka við leikhúsið.](/myndir/gagnasafn/2024/09/05/54003b6b-812a-4cce-a6a0-7b4550872e3b.jpg)
Viðtal
Anna Rún Frímannsdóttir
annarun@mbl.is
„Tjarnarbíó er aðalmiðstöð sjálfstæðu leikhópanna. Við erum ekki með fastan leikhóp eins og hin stóru leikhúsin heldur koma hinir og þessir hópar inn. Í fyrra voru 300 manns sem komu fram á sviðinu hjá okkur, sem er töluverður fjöldi sé litið til þess að við erum bara með eitt svið og svo annað lítið í forsalnum. Hér er því mikil rótering og margar ólíkar sýningar en þetta er án efa mest notaða svið landsins,“ segir Snæbjörn Brynjarsson, nýráðinn leikhússtjóri Tjarnarbíós, um komandi leikár.
„Ég á mér þann draum að sjá einhvers konar leiklistarhátíð spretta upp í Reykjavík sem bæði gæti orðið ákveðinn stökkpallur fyrir íslenska leikhópa út á við og vettvangur fyrir okkur til að sjá mörg erlend verk. Ég
...