![Minning Bryndís Klara Birgisdóttir lést af áverkum sínum 30. ágúst sl., 17 ára að aldri.](/myndir/gagnasafn/2024/09/07/ef50b02a-7dea-4239-9398-0e666d6a14ff.jpg)
Minning Bryndís Klara Birgisdóttir lést af áverkum sínum 30. ágúst sl., 17 ára að aldri.
Dyr Lindakirkju í Kópavogi verða opnar almenningi í dag frá kl. 12 til 17, til að heiðra minningu Bryndísar Klöru Birgisdóttur, sem lést af áverkum sínum 30. ágúst sl. eftir hnífaárás á Menningarnótt.
Bryndís Klara var 17 ára er hún lést en hún fermdist í Lindakirkju vorið 2021. Í tilkynningu frá Lindakirkju segir m.a. að „í ljósi djúprar sorgar og ákalls samfélagsins“ sé minningarstundin haldin í dag, tveimur vikum eftir voðaverkið.
Vernd gegn ofbeldi
Til minningar um Bryndísi Klöru hefur verið stofnaður sjóður sem verður í umsjón KPMG. Verndari sjóðsins er Halla Tómasdóttir forseti Íslands. Sjóðnum er ætlað að styðja við verkefni sem miða að því að vernda börn gegn ofbeldi og efla samfélag þar sem samkennd og samvinna eru í forgrunni.
...