![Ramstein Volodimír Selenskí Úkraínuforseti (fyrir miðju) ávarpar hér fund bandamanna á Ramstein-flugvellinum en við hlið hans sitja varnarmálaráðherrar Bandaríkjanna og Úkraínu, Lloyd Austin (t.v.) og Rústem Úmerov.](/myndir/gagnasafn/2024/09/07/676b5552-6ed9-48f2-b808-8eb2b38d5a9d.jpg)
Stefán Gunnar Sveinsson
sgs@mbl.is
Volodimír Selenskí Úkraínuforseti sagði í gær að Úkraínumenn þyrftu fleiri vopn frá bandamönnum sínum til þess að reka Rússa af úkraínsku landi. Selenskí lét ummæli sín falla á fundi helstu bandalagsríkja Úkraínu á Ramstein-herflugvellinum í Þýskalandi, þar sem vopnaþörf Úkraínumanna var rædd.
Selenskí hvatti bandamenn Úkraínu til þess að senda fleiri F-16-orrustuþotur til landsins, auk þess sem farið væri að bera á skorti á eldflaugum. Ítrekaði Selenskí jafnframt kröfu sína um að fá langdrægar eldflaugar og leyfi til þess að beita þeim innan landamæra Rússlands.
Fulltrúar um fimmtíu ríkja mættu til fundarins í Ramstein og nýttu þeir tækifærið líkt og á fyrri Ramstein-fundum til þess að tilkynna opinberlega næstu sendingar sínar
...