Búdapest Ítalir fagna Davide Frattesi eftir markið hans.
— AFP/Attila Kisbenedek
Ítalir eru efstir í sínum riðli í A-deild Þjóðadeildar karla í fótbolta eftir sigur gegn Ísrael, 2:1, í Búdapest í gærkvöld. Davide Frattesi og Moise Kean komu Ítölum í 2:0 en Mohammad Abu Fani lagaði stöðuna fyrir Ísrael á 90. mínútu. Í Lyon unnu Frakkar sigur á Belgum, 2:0, og þar skoraði Randal Kolo Muani fyrir Frakka á 29. mínútu, eftir sendingu frá Ousmane Dembélé, sem síðan skoraði seinna markið á 57. mínútu eftir sendingu N'Golo Kanté.